 მილანის “ინტერის” რუმინელი მცველი კრისტიან კივუ გამოჯანმრთელდა და შესაძლოა, ხვალ იტალიის სერია A-ს მესამე ტურში “ტორინოს” წინააღმდეგაც ითამაშოს.
ამის შესახებ საფეხბურთო კლუბ “ინტერის” ოფიციალური ვებ-გვერდი იუწყება.
27 წლის კივუ, რომელმაც ზაფხულში ტრავმირებულ მხარზე ოპერაცია გაიკეთა, გუნდის ძირითად შემადგენლობასთან ერთად ვარჯიშობს და მოედანზე გამოსასვლელად მზად არის.
რუმინელი ფეხბურთელი “ინტერში” 2007 წლიდან გამოდის და მილანური გუნდის რიგებში ჩატარებულ 34 შეხვედრაში გოლი არ გაუტანია.
რუმინეთის ეროვნული ნაკრების ღირსებას კი, ის 1999 წლიდან იცავს და 62 სანაკრებო შეხვედრაში მეტოქის კარი 2-ჯერ აიღო.
: |
