იტალიის ფეხბურთელთა ეროვნული ნაკრების თავკაცი მარჩელო ლიპი, ევროტურნირებზე ტურინის “იუვენტუსისა” და გენუის “სამპდორიას” ფორვარდების, შესაბამისად, ალესანდრო დელ პიეროსა და ანტონიო კასანოს თამაშით კმაყოფილი დარჩა. ამის შესახებ იტალიური ინტერნეტ-გამოცემა Channel4-ი იუწყება. აღსანიშნავია, რომ დელ პიერომ ჩემპიონთა ლიგის ჯგუფური ეტაპის სტარტზე სანქტ-პეტერბურგის “ზენიტთან” მოგებულ (1:0) საშინაო შეხვედრაში გამარჯვების გოლი გაიტანა, ხოლო კასანაომ უეფას თასის მესამე საკვალიფიკაციო ეტაპის პირველ მატჩში, გენუაში ლიტვის “კაუნასის” კარი ორჯერ აიღო. საბოლოოდ, ის შეხვედრა “სამპდორიამ” 5:0 მოიგო.
: |